Персаналіі

Прадстаўляем Вашай увазе некаторых навукоўцаў, педагогаў, грамадскіх дзеячаў, якія ўнеслі ўклад у папулярызацыю ідэй этычных адносін да жывёл і прыродзе цалкам і ўвасобілі гэтыя ідэі ў жыццё.

Мiшаткiна Таццяна Виктараўна

Кандыдат філасофскіх навук, прафесар кафедры філасофіі МДЭУ ім. А.Д. Сахарава. Член камітэта па біяэтыцы ў Беларусі. Першай пачала чытаць курс лекцый па экалагічнай этыцы ў Беларусі. Аўтар і рэдактар шматлікай літаратуры па экалагічнай этыцы і біяэтыцы.

Меркулава Iнна Паўлаўна
 

Кандыдат медыцынскіх навук, дацэнт кафедры экалагічнай медыцыны МДЭУ ім. А.Д. Сахарава. Аўтар артыкулаў па экалагічнай і біямедыцынскай этыцы. Упершыню за ўсю гісторыю ўніверсітэта ўкараніла гуманныя альтэрнатывы эксперыментаў на жывёлах на сваёй кафедры.

Барэйка Уладзімір Яўгенавіч
 

Дырэктар Кіеўскага эколага-культурнага цэнтра. Заслужаны прыродаахоўнік Украіны. Актыўны абаронца расліннага і жывёльнага свету. Аўтар і рэдактар шматлікіх выданняў па экалагічнай этыцы і прыродаахове. Адзін з аўтараў прынятага ў 2006 г. Закона Украіны "Аб абароне жывёл ад жорсткага абыходжання". 

Наважылава Ірына Юр'еўна
 

Прэзідэнт Цэнтра абароны правоў жывёл "Віта" (Масква). Вега. Лічыць недапушчальным эксплуатацыю жывёл дзеля атрымання ад іх мяса, футра і скуры, жорсткіх забавак (цырк, заапарк, дэльфінарый, карыда, паляванне і інш.), выкарыстання жывёл у эксперыментах; выступае за спагадлiвыя адносіны да жывёл-кампаньёнаў.

Пушкевіч Маргарыта Андрэеўна
 

Старшыня аднаго з першых у Беларусі грамадскага аб'яднання абароны жывёл "Заасвет" (Мінск). Член беларускай асацыяцыі журналістаў. Аўтар праекта кнігі, напісанай школьнікамі "Жывёлы побач з намі", галоўны рэдактар дабрачыннай газеты "Сябры жывёл".

Цітова Алена Ціханаўна
 

Старшыня грамадскага аб'яднання біёлагаў па абароне жывёл "Абаронiм жыццё". Кандыдат біялагічных навук, супрацоўнік Нацыянальнай акадэміі навук Беларусі. Аўтар кнігі "Я захапляюся справамi рук Тваіх". Рэдактар дабрачыннай газеты "Сябры жывёл".

Кануннікава Ніна Паўлаўна
 

Доктар біялагічных навук, прафесар Гродненскага дзяржаўнага ўнiверсiтэта. Ініцыятар ўкаранення гуманных альтэрнатыў эксперыментаў на жывёлах у сваем ВНУ. У дадзены момант у ГДУ, дзякуючы дзейнасці Ніны Паўлаўны і супрацоўніцтву з ИнтерНIЧ, адменены ўсе дэманстрацыйныя досведы на жывёлах і заменены гуманнымі альтэрнатывамі.

Бышнёў Ігар Іванавіч
 

Кандыдат біялагічных навук. Беларускі кінарэжысёр. Стваральнік больш за 60 дакументальных фільмаў пра дзікую прыроду і яе абарону. Аўтар праграмы "Мільён пытанняў аб прыродзе" на тэлеканале "Мір". Уладальнік мноства прызоў на міжнародных кінафестывалях і двойчы лаўрэат Спецыяльнай прэміі Прэзідэнта Рэспублікі Беларусь у галіне кіно і тэлебачання.

Сляднева Наталля Яўгенаўна
 

Заснавальнік і галоўны рэдактар часопісаў "Свет жывёл", "Эколаг і Я", "Метамарфозы", асноўнай мэтай якіх з'яўляецца фарміраванне ў насельніцтва экалагічнай культуры і адказных адносін да навакольнага свету. Уладальнік мноства прэмій і прызоў не толькі ў Беларусі, але і за мяжой. У 2014 Наталля Яўгенаўна ўзнагароджана Дыпломам "Лепшы выдавец года" (Берлін). Член грамадскага аб'яднання "Беларускі саюз журналістаў" і Еўрапейскага Кангрэса Літаратараў.

Зубава Наталля Міхайлаўна
 

Скончыла Віцебскі дзяржаўны медыцынскі універсітэт і Акадэмію кіравання пры Прэзідэнце Рэспублікі Беларусь. Старшыня Віцебскага дабрачыннага грамадскага аб'яднання "Сябры жывёл". Дамаглася ад уладаў стварэння дзяржаўнага прытулку ў Віцебску (адзінага ў Беларусі), дзе працуе начальнікам. За 4 гады працы пад кіраўніцтвам Наталлі выратаваны, прастэрылiзаваны і ўладкаваны больш за 4 000 бяздомных катоў і сабак.

Нiк Джукс
 

Кіраўнік міжнароднай сеткі за гуманную адукацыю InterNICHE (Вялікабрытанія). Сапрадзюсер ганараванага узнагарод дакументальнага фільма "Альтэрнатывы ў адукацыі" (1999). Ініцыятар і сааўтар кнігі "Ад марской свінкі да кампутарнай мышкі" (2003). Займаецца папулярызацыяй ідэй замены эксприментаў на жывёлах у адукацыі гуманнымі альтэрнатывамі. Дзякуючы яго дзейнасці, дзесяткі ВНУ ва ўсім свеце адмовіліся ад досведаў на жывёлах і замянілі іх гуманнымі альтэрнатывамі.

Маруева Алена Андрэеўна
 

Дырэктар Цэнтра абароны правоў жывёл "Віта" (Масква). Вега. Ветэрынарны ўрач. Магістр прыродазнаўчых навук. Афіцыйны прадстаўнік міжнароднай сеткі за гуманную адукацыю InterNICHE ў Расіі. Дзякуючы яе асветніцкай дзейнасцi, многія расійскія ВНУ адмовіліся ад правядзення досведаў на жывёлах і замянілі іх гуманнымі альтэрнатывамі.

Калініна Наталля Уладзіміраўна
 
Аленiчаў Максім Уладзіміравіч
 

Кандыдат філасофскіх навук, дацэнт кафедры журналістыкі АмДУ. Старшыня Амурскага Экаклуба «Улукiткан». З 2003 г. чытае курсы "Экалагічная этыка» у ВНУ Прыамур'я. У 2006 г. выступіла ініцыятарам кампаніі супраць жорсткага абыходжання з жывёламі ў навучальным працэсе Інстытута ветэрынарыі і заатэхніі ДальДАУ. У 2009 г. першай у Расiі ўдалося ўвесці ў навучальны план ВНУ (аддзяленне журналістыкі АмДУ) дысцыпліну «Экалагічная этыка ў СМІ».

Сустаршыня Карэльскага рэспубліканскага Таварыства абароны жывёл. Юрыст. Актыўны ўдзельнік кампаніі ў абарону ваўкоў, у выніку якой Карэлія адмовілася ад іх пагалоўнага знішчэння (1998). У 2008 г. ініцыяваў прыняцце рэгіянальнага закона аб адміністрацыйнай адказнасці за жорсткае абыходжанне з жывёламі. Кіраўнік грамадскай адукацыйнай праграмы па правах жывёл у Карэліі (2000-2012). Перакананы, што жывёлы - нашы партнёры на планеце Зямля і будаваць з імі адносіны неабходна як з суб'ектамі жыцця.

Паўлава Таццяна Мікалаеўна
(1931 - 2007)

Заснавальнік расійскага руху за правы жывёл. Стваральнік першага ў СССР вегетарыянскага грамадства. Кіраўнік Цэнтра этычных адносін да жывёл. Аўтар першых рускамоўных кніг па біяэтыцы: "Біяэтыка ў вышэйшай школе", "Біяэтыка ў школе".

Марозкiна Таццяна Сяргееўна
(1940 - 2015)

Доктар біялагічных навук, прафесар кафедры біяхіміі Беларускага дзяржаўнага медыцынскага ўніверсітэта. Лаўрэат Дзяржаўнай прэміі Рэспублікі Беларусь. У 1998 г. упершыню на постсавецкай прасторы ўкараніла гуманныя альтэрнатывы эксперыментаў на жывёлах пры навучанні ў сябе ў ВНУ. Прапагандавала ідэі гуманнага стаўлення да жывёл.